區瑞強（Albert）今年63歲，入行超過40年，「民歌王子」形象深入民心。未知是無心插柳還是幼受庭訓，他兩位已大學畢業的囝囝都從事跟音樂有關的工作，之前已試過同台獻唱，Albert笑言：「人哋形容我哋係三兄弟。」
撰文︰羅婉玲
攝影︰沈健程
永不言休的區瑞強早前在佐敦接受《蘋果日報》訪問，直言囝囝遺傳了自己的音樂天份，他說︰「自細佢哋一個學鋼琴，一個學結他，但我從來冇逼佢哋，等佢哋自由發揮。」
家族唱得
機緣巧合下，Albert兩名兒子現從事音樂方面的工作，大仔昕進任音樂數碼分析，細仔昕望則自己打理公司，Albert說︰「佢哋讀完大學，喺外面做咗幾年嘢，無心插柳細仔𠵱家拍住我一齊做，不論我間唱片公司、慈善定私人嘢，我都拉佢落水，細仔拍咗我一年，佢覺得好適合。而大仔就喺一間音樂大集團做音樂數碼分析，𠵱家唔係賣一隻隻CD，而係一百萬隻歌咁賣，佢就做數據分析。」
拋磚引玉
Albert每年都會開個人演唱會，比起一班後輩歌手開騷更頻密，大後日，他將為兩場免費音樂會揭開序幕。問兩子屆時會否上台助興？Albert笑言︰「我哋三父子試過兩次同台一齊唱，係呀！人哋形容我哋係三兄弟。」他透露家族成員都是唱得之人，屆時大可全部上台大合唱。
今次開騷，被Albert形容為「私房演唱會」的表演，招待對象包括義工、教師、護士、消防及警員等六間團體的人員，向他們的辛勞致敬。Albert更會自費製作兩隻非賣品CD，送贈入場人士，他說︰「如果我送海報，肯定實掉咗去，但如果我送隻CD，觀眾係唔會掉咗去。」Albert此舉希望做到拋磚引玉，令同行的公司、製作人及歌手以音樂傳承，延續下去炮製免費騷，做到雅俗共賞。
