繼肥平後，另一件最低門檻都會判監30年的跨國重案爆出。華為公主在加拿大轉機時被抓，環球時報老編竟然以iPhone發文，明撐實攞景，被網民酸爆。老總面皮厚過他的包皮，無懼酸民，繼續yes挨瘋，not me華為，身體上下半部都誠實。
華為公主持特區護照被擒，她是永久香港居民，同時又是隱晦中國公民。特區護照射唔住，護「主」無功，跟強國生產的老翻避孕套無異，一射便穿！保安局可能跟環時老總一樣，用的是蘋果手機，唔知點處理華為的選項。保安局長中學訓導老師附身，即刻打電話問上頭攞指示。哦哦哦，知道知道，唔使幫拖，這個時機，唔適合出聲。人都周咗，等於樓都跳咗，去醫院都嘥車費！保安局向地區名校的管理層極速學懂了八字膊，華為公主，地位超凡，坐30年監又唔使死，除非開死因庭，香港保安局才要出席夾口供吧。慢慢舟與晚晚舟，中國確認，百分百是中國公民，護照到底擁有七定八本，都唔入香港數，OK？周，來得太晚，行埋肥平，一路好走。