大家都知店舖盜竊係嚴重罪行，但偏偏有人以身試法。上周五（7日）有個21歲嘅後生仔就為咗區區一個價值69蚊嘅手機殼，喺深水埗福華街一個電子特賣場偷嘢，結果俾店舖職員發現，兩個職員追到去附近地鐵站口將佢截住，最後警員到場人贓並獲，將疑犯拉上警車帶署調查，個後生仔就咁衰咗啦。
被人偷嘢嘅電子特賣場位於福華街161號福仁電腦商場，當日下晝5點幾，目擊市民Andy就行經福華街，佢話當時見到有個着黑衫同迷彩長褲嘅後生仔跑過，尾隨就分別有一個着藍衫同一個着白衫嘅男人追住佢，最後追到去北河街交界近長沙灣道嘅深水埗港鐵站電梯口，將個後生仔截住。雙方糾纏間，個後生仔身上三盒手機殼之類嘅產品跌喺地上。
花生友：唓！都唔係打交
事發後好多街坊喺度圍觀食花生，有花生友以為有人打交，但睇睇吓先知道係有人懷疑偷嘢，俾店舖兩個職員追出捉住，就略嫌無癮話：「唓！都唔係打交嘅！」Andy話事件中，仲好似話有街坊被個逃跑嘅後生仔撞跌㖭。冇幾耐警員就趕到現場處理，其中兩個軍裝警就將疑犯拉埋一邊調查。
警員一度問在場圍觀人士，「有冇人見到發生咩事？」點知冇人出聲，咁阿Sir就勸圍觀者散開，「繼續行街啦好唔好呀？」之後警員就拉咗個疑犯上警車帶走。Andy話被偷嘢嗰間特賣場都開咗最少2、3年，以往成日俾人偷嘢，據知今次案中三盒跌喺地上面嘅產品，其中兩盒係疑犯攞嚟換貨嘅，實際係偷咗一件貨箒。警方就話案中拉咗個21歲姓盧嘅男子，佢涉嫌店舖盜竊，偷去一個價值69蚊嘅手機殼。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。