第二季參加美職聯嘅阿特蘭大聯，上周六喺季後賽總決賽以2:0擊敗波特蘭伐木者，首奪美職聯總冠軍。今季最有價值球員祖斯夫馬天尼斯喺39分鐘為阿特蘭大聯先開紀錄，呢一球亦係馬天尼斯今季第35個入波。去到54分鐘再由阿根廷後衞尼高拉斯艾斯高巴將比數改寫成2:0，最後阿特蘭大聯亦以呢個比數勝出。今場交出一射一傳嘅祖斯夫馬天尼斯當選為總決賽MVP。