內地碰瓷黨風氣蔓延香港！噚日網上流傳一段車cam影片，一架私家車沿長沙灣道行車時，突然有個着藍色外套、孭斜孭袋嘅後生仔，喺馬路邊衝出路中撞向私家車，警方話到場前傷者已自行離開，案件列糾紛案處理。
「過馬路唔得呀？」
車cam片喺前晚7點幾拍攝，當時私家車沿長沙灣道去美孚方向，到界限街交界路口時，企喺行人路嘅後生仔，突然跑出馬路，私家車司機雖已減速，但仍被後生仔撞上車頭，再滾到地上。車上女乘客尖叫：「嘩！」司機就爆粗罵人，停車後落去質問後生仔：「你玩咩呀喺度？」後生仔回答：「過馬路唔得呀？」」司機於是再問多次後生「玩咩」，對方都只回應︰「過馬路唔得呀？」
車cam影片冇交代事件點收科，但網上流傳另一段影片，聲稱係私家車司機嘅對話內容，片中有人指事後曾追住被撞後生仔，不過被一個疑似同黨嘅女仔阻撓，話「我推開條女，佢嗌非禮」，又指私家車車身被撞凹，事後已報警，有警察到場影相記錄，引述警察指「追唔追究都要報交通，因為撞咗，如果追究就要去差館落口供」。
警方發言人表示， 前晚大約8點收到一個55歲姓謝嘅男人報案，指由尖沙嘴彌敦道開車去美孚時，喺長沙灣道同界限街交界，有一個大約20至30歲嘅男人懷疑從行人路衝出馬路，兩人因碰撞問題發生爭執，但冇人受傷，被撞男人自行離去，將案件列作「求警調查」處理。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。