甄子丹一家、呂良偉和太太楊小娟等前晚到灣仔出席演藝學院年度籌款晚會，甄子丹女兒Jasmine更即場表演。甄子丹心情極好，問記者可覺他變後生：「可能去完旅行叉足電，我去咗幾日馬爾代夫玩，不過我係工作狂，唔可以放低啲工作咁耐，仔女要返學，冇同行，聖誕先睇吓太太有乜安排。」他早前在社交平台登了一張疑似浸浴缸的背面全裸照，他說：「你哋幻想力太豐富，黐線啦，我有着住條運動褲。」可會考慮影正面？他說：「如果係咁變咗四級。」他笑言私下沒有影過，可能只有太太有興趣睇，至於拍片，他說：「三級就唔會，最多着三角褲，再多啲就要打格仔。」
同場的邱德根孫女邱詠筠月前生完BB，她說：「未收身，希望可以努力啲，做吓運動咁。已經搞咗百日宴，BB女都好乖，爹哋已經有八個孫囉。」至於何時補擺婚禮，她說：「未搞住，未揀定日子。」她又大讚活動成功，幾年來籌了8,000萬，幫助1,200名學生。
採訪：王連連
攝影：陳俊強
更多精采時尚內容，盡在 http://add.appledaily.com。