隔牆有耳:新東白鴿或再有區議員退黨 - 李八方

隔牆有耳:
新東白鴿或再有區議員退黨 - 李八方

民主黨新界東支部醞釀退黨潮已經一段時間,聽聞近日火頭更燒到去非前綫系嘅區議員身上,有指上屆區選先當選北區區議員嘅劉其烽(圖)有意趁前綫系退黨一齊退。八方聯絡過劉其烽,佢暫時未有回應。

政圈一直流傳民主黨新界東支部將會爆發退黨潮,退黨人數最快過多幾日落實。

據知除咗一直流傳嘅沙田區議員丁仕元、李永成同大埔區議員區鎮樺外,被視為林卓廷人馬嘅北區天平東區議員劉其烽都有意退黨,原因係同支部否決其助理張京樑明年區選出戰天平西有關,民主黨就否認,強調無權處理非黨員嘅參選安排。

有知情者透露,劉其烽想退黨一事有迹可尋,佢早前未完成兩年北區支部任期就提早辭任,又唔再參與黨務,而佢嘅宣傳品亦好少見到白鴿logo,所以就算要退黨亦唔意外。若然連劉其烽都選擇退黨,意味新界東四區入面,民主黨有區議員嘅沙田、大埔同北區,各有至少一人退出民主黨,唔知算唔算係一個重大警示呢?