趣趣地:又吞西悉雙蛋水手五連敗

趣趣地:又吞西悉雙蛋水手五連敗

中岸水手(白衫)繼續頹,喺周五澳職又輸一場,作客0:2不敵西悉尼流浪者,開季踢咗七場仍然未開齋,更已連輸五場,只得兩分繼續包尾。水手造訪西悉,上半場表現唔算差一路同主隊踢成均勢,但到補時最後一分鐘失守,西悉中場奇洛巴古斯喺禁區頂起腳地波死角入網,西悉半場領先一球。換邊後水手力攻但無法扳平,更喺68分鐘再失守,西悉嘅蘇迪里奧把握水手門將拍出射門不遠,執雞射成2:0奠定勝局,兩連敗後拎到今季第二場聯賽勝仗。