香港人一向熱衷去外國睇波，日前就有港迷飛到英國，去睇星期二屈福特喺主場迎戰曼城場英超。佢兩個賽後仲收到屈福特隊長迪尼嘅match worn波衫，真係執到寶！呢對港迷Nana同KC，據講係屈福特忠粉，早前就專程飛咗約9,622公里，去咗英國域卡維治路球場睇屈仔鬥曼城。雖然屈仔輸1:2，不過隊長迪尼完場後走到場邊送波衫畀佢哋，仲同KC握手，輸波都ok啦。Nana同KC仲得到屈福特送印咗名嘅波衫，Nana喺twitter話：「多謝迪尼件波衫！我好多謝同祝福球會、職員同粉絲，希望將來一切順利。」呢次英超之旅嘅收穫，完全係超出預料之外！不過事件曝光後，有網民就將佢哋着其他球會嘅波衫相po上網，包括阿仙奴同拜仁慕尼黑等，睇嚟都幾花心喎。