沙頭角公路禾坑段近禾徑山路一個地盤，噚日朝發生奪命工業意外。一部貨車溜後撞倒同輾過一個地盤工人，佢頭部重傷，昏迷不醒，工友報警由救護車將佢送院搶救，可惜送院後證實不治。
喺出事地盤做嘢嘅張先生話，事發噚日朝早9點幾，現場係蓮塘口岸龍山隧道地盤，工程差唔多完工。出事嗰部密斗車係由貨車改裝而成，用嚟接載工人喺隧道口出入地盤，當時密斗車所載嘅工人落地之後，司機將車泊埋一邊，聲稱拉咗手掣，跟住司機落車行開去做其他嘢。停車嗰度係暗斜位，其間密斗車突然溜後，當時有一個工人背住密斗車做嘢，完全冇為意架車倒後向佢個方向溜緊落去，附近另一個工人及時發現避過架車，佢嘗試拉住密斗車車門阻止繼續溜後，但唔成功。
死者遺下兩子女
密斗車總共溜後咗大約15米，撞倒一個工人，仲輾過佢，工人當場爆頭重傷，在場工友立即報警，可惜傷者送到醫院之後證實死亡。現場有閉路電視影到事發經過，調查人員翻查片段，見密斗車撞倒個工人，工人戴住嘅頭盔亦即時鬆脫彈咗出嚟，而密斗車車尾再撞到路邊石壆先至停低。
警方到場調查，據知39歲尼泊爾籍死者Rai喺地盤密閉空間工作，與尼籍太太生咗一仔一女，囝囝只得一歲，死者係家中經濟支柱，勞工處會協助死者家屬辦理工傷補償事宜。而出事嘅密斗車司機姓朱（56歲），勞工處亦都展開調查，又禁止承辦商喺隧道入面嘅工作地點停泊貨車，直至承辦商採取措施消除有關危險。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。