求驗客手記:火車頭小將離奇伏屍河邊

求驗客手記:火車頭小將離奇伏屍河邊

俄超球會莫斯科火車頭周一公佈,陣中U21小將盧馬堅喺莫斯科身亡,球會表示目前佢嘅死因仲查緊。據俄羅斯傳媒報道,警方周日朝早喺莫斯科南部嘅一條河邊,發現一名18歲男子嘅屍體,初步觀察死者面上有瘀傷。據報盧馬堅嘅媽媽上周五報稱自己個仔失咗蹤,當時佢指盧馬堅返咗球會治療傷勢,其後仲同朋友出去飲酒。雖然佢部手機周日仲有上線,但聽電話嘅的士司機話,盧馬堅部電話只係漏低咗喺車廂度。當地傳媒就估,盧馬堅係飲酒後發生意外凍死河邊,但目前仲查緊死因。