何超鳳在辦公室放了一張香港芭蕾舞團（HK Ballet）2013年演出的簽名大合照，她出任舞團主席已長達6年，「因為我鍾意呢個表演藝術嘅方式， 雖然我冇跳，最初我只係為HK Ballet籌款，入咗董事局，了解再深啲。每次你見到佢哋演出，見到啲觀眾好熱烈咁拍手掌，你真係會好為佢哋覺得高興。」
學過一年
小時候，超鳳是全家唯一一個自願想去學跳芭蕾舞，跳了一年，因媽咪要求專注讀書被迫停下，但她依然希望為這個美麗的藝術盡一分力。她兩名女兒小時候都有學，「佢哋由幼稚園開始學咗兩、三年，但大女鍾意溜冰多啲，佢話花式溜冰咪等於喺冰上跳芭蕾舞。」
香港芭蕾舞團今年舉辦過兩次大型活動，為了推廣普及芭蕾舞，除了創作較大眾化的新劇目《Alice in Wonderland》，更製作特別聲效、視效的《天鵝湖》，給自閉兒童、智障人士欣賞，超鳳亦跑到元朗大會堂欣賞。
更多精采時尚內容，盡在 http://add.appledaily.com。