趣趣地：老馬升唔到班打記者

名宿馬勒當拿執教嘅墨甲球隊多拉多斯，喺周日升班附加賽決賽次回合輸波，賽後有記者想訪問佢嗰陣，佢竟然出拳相向。今場作客嘅多拉多斯輸咗畀聖路易斯體育會，錯失升班資格，而於首回合被逐、今仗要坐看台嘅老馬就邊飲啤酒邊睇波，但佢賽後就好好火，當佢經過一個好多人嘅混合區時，有位記者想訪問佢，點知佢粒聲唔出就揮拳，好彩身邊嘅職員手快拉咗佢入電梯，佢先冇打中個記者。