拿玻里周一晚喺意甲獨腳戲，憑後備上陣嘅米利克完場前五分鐘射入奠勝球，作客以2:1贏咗阿特蘭大。拿玻里今場踢咗兩分鐘就先開紀錄，法比安彭拿接應恩斯治尼傳送起左腳射入，客隊半場領先一球。阿特蘭大換邊後雖然有杜雲沙柏達近射得手追平，不過拿玻里喺85分鐘靠後備入替嘅米利克左腳窩利破網，以2:1擊敗阿特蘭大，賽後上番第二位，落後祖雲達斯八分。