最近開咗Ig新戶口嘅自由黨榮譽主席田北俊，同年輕人嘅距離，又拉近多一步。田少fb向來多以時事抽水一番，至於Ig，相信就生活化一啲，前日田少貼咗張身處手術室嘅相，留言「Getting ready for my surgery」，雖則舉起V字手勢，但友人粉絲見到都好擔心噃。
八方問過田毛毛，佢話田少嘅膊頭同手臂之間嘅韌帶撕裂，所以喺三藩市做手術，但田毛毛話手術好成功，叫大家唔使擔心。一如田少自己hashtag，「祝我快啲好返」，唔少friend都祝田少get well soon。
而田少手術後都即時喺Ig向大家報平安，話手術好成功，但要用繃帶托住右手手臂，稍後一段時間惟有用左手打字咯。睇見佢笑容滿面，相信一眾田粉個心都會定啲；如果要跟進田少康復進度，不妨follow佢Ig：james_tien。