重播雨傘運動前夕的錄像，最勁衝的片段肯定係：學生兇陳健民：「我們年輕人做咗咁多嘢，你哋喺邊！」雖然當時已有答覆，但事隔四年後，可以更清楚回應這些疑惑。是咁的，年輕人衝，中坑老坑迅速走位，守住。結果，場波散了，年輕人兇過的中老年，喺邊呢？就在牢獄的玄關，等住被威權剝削自由N年！一股歪風，吹倒了由雨遮口罩「裝備」的公民抗命的人牆。年輕人看清楚，組成人牆的是你們咒罵的老餅，唾棄的過時長者，兜口兜面侮辱的前輩。這些運動中堅，緊守尾柱，讓年輕人打他們有火的翼鋒位置，各盡本份，場波就算輸，都算輸人不輸陣，對不對。但年輕人唔like，堅持自己打晒，唔侵老餅玩。今天，他們應該大舒一口氣，老餅中坑等住坐牢，年輕人把握上場好良機，好好睇睇打一場爭氣波吧！新東補選與明年區選，拜託年輕人、本土和焦土齊晒靴，組成新銳球隊，遇佛殺佛，將你們仇恨的建制B隊大清洗！假如幽靈選民都動員到，投票率爆錶衝上六字頭，明日世界，提早歸你們揸弗！本土焦土年輕人，別神隱了，現形啦！