星期日嘅日乙升班附加賽，東京綠茵（圖）喺補時絕殺，作客以1:0擊敗FC橫濱，下星期將會同日職第16位球隊磐田山葉上演終極升班戰。踏入最後七分鐘補時階段，東京綠茵繼續搶攻，球隊喺最後一分鐘補時博到角球，東京門將上福元直人上前助攻，喺近柱接應以頭槌攻門被撲出，好在杜格拉斯韋拉掃入致勝，最終東京綠茵再一次上演「下剋上」淘汰排名較高嘅球隊晉級。