尖沙嘴中港城噚日朝早11點幾，發生咗一單蝦碌交通意外，一架私家車駛錯咗入行人通道口碌落樓梯，俾網民影低擺咗上網，引嚟熱烈討論，事關代表停車場嘅P字指示牌正正喺行人通道頂，究竟指示牌有冇誤導成份呢？
遭行人通道口燈箱誤導
現場係廣東道33號中港城停車場附近，46歲姓朱男司機揸住白色私家車駛咗入行人通道路口，隨即碌落一條有六級嘅行人樓梯，進退兩難，保安員聽到好大聲走去睇吓，發現架車擱咗喺梯級度，車頭鋤落地損毀，梯級都有啲爛咗，於是報警，同時喺路口擺咗兩個雪糕筒，好彩意外中冇人受傷。
小記事後去現場視察過環境，嗰個行人通道有幾米闊，出入口頂有個大型發光指示牌，大大隻「P」字，仲有停車場、碼頭緊急通道嘅字眼，驟眼睇又幾似停車場入口嘅。之但係睇真啲，P字上面仲有一個向左前進嘅箭嘴指示燈，加上按地下嘅箭嘴指示，正常情況下，車輛應該沿住左邊行車，而嗰個行人通道喺右邊。相信都係個司機一時擺烏龍，將行人通道當咗係停車場入口。
網民對呢宗少見嘅意外意見分歧，有啲人笑指噚日係星期日，Sunday driver出動，懷疑揸車嘅司機唔熟路面情況出事，如果細心留意路面行車箭嘴，同埋前車嘅行車方向，就唔會發生碌落樓梯事件。不過，亦有網民同情個司機，覺得行人通道頂個巨型停車場字眼指示牌有誤導成份，認為應該改善指示牌嘅設計。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。