施丹近日去咗大陸出席「三間牌」嘅商業活動，日前喺上海就同香港歌手陳奕迅及女星楊穎一齊宣傳，佢噚日更同太太到咗杭州，坐船暢遊西湖美景，但泛舟湖上時，手機竟響起歐聯主題曲，只見施丹對住手機笑唔停，仲將片段上載ig，喺附註寫「歐聯無處不在」！另外，據內地媒體報道，施丹喺杭州更曾經喺街頭睇大媽打麻雀，似乎對攻打四方城好有興趣。