曼聯前鋒盧卡古陷入入球荒，近期更多次被貶為後備，佢承認自己今季嘅表現欠佳，自己都覺得好嬲。盧卡古自九月起就未有為曼聯取得入球，最近已多次俾領隊摩連奴列作後備，包括周二主場對年青人嘅歐聯。佢接受一個英國體育網站訪問就話曾為自己嘅狀態同摩連奴溝通過，坦言係因為經過一整年比賽加上世界盃後，所以覺得有啲攰，佢對𠵱家嘅狀況都好嬲。