從政四分一世紀嘅民主黨前主席、立法會前議員劉慧卿獲佢碩士母校、世界知名學府倫敦政治經濟學院（LSE）頒授榮譽博士。卿姐同八方透露，前晚收到LSE來信，話出年7月向佢頒發社會科學榮譽博士學位。根據倫敦政治經濟學院資料，卿姐係首名獲LSE頒發榮譽博士學位香港人，同時亦是亞洲第一名女性獲頒有關學位。
卿姐前晚收到倫敦政治經濟學院校長Minouche Shafik女爵士嘅信，信入面講榮譽學位只頒授予在其領域有突出及卓越成就、實踐學院使命、改善社會嘅人物，卿姐話之前冇收到任何消息，形容係「冇先兆，好高興，好多謝」。她對於自己獲頒博士感榮幸，認為是學院對自己過去喺爭取民主、自由、人權上嘅肯定同埋鼓勵，雖然得獎，但她會繼續謙卑地進行爭取人權嘅工作。佢又話前晚已第一時間通知一直支持自己爭取人權好友、身在倫敦嘅何鴻卿爵士。倫敦政治經濟學院對上一次頒發榮譽博士係喺2015年，當時係向美國聯儲局前主席耶倫頒授經濟榮譽博士。