小記作為打工仔，知道搵食艱難，揸搵食車嘅司機大佬日日長時間聚精會神，就更加攰啦！但再辛苦都麻煩大家打醒精神，因為一個唔留神，真係累己累人！汀九橋周二（27日）就發生3車相撞意外，好彩防撞欄夠硬淨，運油車先冇衝落海！
運油車炒起七人車
話說當日下晝近兩點半，姓孫（62歲）嘅的士司機，揸車沿住汀九橋向屯門。由的士車cam拍到嘅短片見到，的士剛剛由快線切到中線時候，離遠已經見到慢線有車龍，當去到龍尾位置時，慢線一架運油車收掣不及撞向前面七人車。由於撞擊力好猛，運油車向右傾側，撞向左邊防撞欄，而被撞嘅七人車就彈咗去右邊嘅中線，打橫撞向駛至嘅的士，姓孫司機嚇到大叫嘩一聲！
提供短片嘅的士司機阿松，係孫先生嘅行家朋友。佢引述當事人話，七人車撞埋嚟嗰刻，真係嚇到心都離埋，而佢離遠已經見到慢線車速緩慢，正常駕駛人士都會收慢，但運油車司機「直情發緊夢，冇收油就撞埋去」。而孫先生目擊意外後，再俾架七人車撞埋車頭，真係嚇餐懵！阿松話，孫先生揸咗的士廿年左右，一直都好小心，亦都未發生過類似意外，但估唔到飛來橫禍，大嘆黑仔！
警方回應指，事發時運油車沿汀九橋慢線向屯門方向行駛，其間前方七人車收慢，運油車收掣不及，撞向七人車車尾，七人車再撞向中線一架的士，姓陳運油車司機（41歲）及七人車姓丁女乘客（54歲）分別頸、背感痛楚，送仁濟醫院治理，姓張七人車司機（34歲）及的士司機（62歲）則無受傷。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。