董敏莉（Monie）前日剖腹誕下愛女，重約7.2磅，律師老公莊耀金一直在產房陪產，一同迎接新生命來臨。Monie表示刻意挑選自己生日當天開刀，方便以後一起慶祝，但想不到連出生磅數也相同，非常有緣份，而女兒的中文名叫子子，英文名叫Martha。
Monie指生產過程驚險，因她有子宮肌瘤，增加手術風險：「因為肌瘤阻住產道，所以醫生一早經已話要開刀，冇得順產。不過醫生都講明有危險性，驚失血過多，有二千分之一機會要切除子宮，最終醫生盡力幫我止血，醫生話個肌瘤都幾大，可能半年之後要做手術切除。」
Monie笑指囡囡未出世已經有吸金能力，由懷孕開始不斷收到贊助商送來的嬰兒用品：「其實大肚時都有好多媽咪級嘅廣告搵我。」問到會否考慮母女檔接拍廣告？她笑說：「咁長遠梗係未諗啦！如果阿女好似我咁靚，爸爸又准許的話，都唔介意佢入行嘅。」
兩個月後復工
此外，Monie表示初時都會餵哺人奶，暫會停工兩個月讓身體慢慢回復，之後才考慮復工，她說：「電台主持嗰度我就請咗兩個月假，等我身體回復之後就會返去開咪。」
撰文：葉晴