【澳門直擊】賭王四房千金何超盈昨日在澳門主持第三屆保利拍賣會預展，宣佈合共拍賣200件拍品，目標拍賣過億元，四太梁安琪、大房孫女何家文夫婦出席支持。賭王周日度過97歲生日，四房子女事業上分別有所成就，四太笑說：「人逢喜事精神爽啦，所以見我幾精神。」四太還謂一定捧超盈場，問會否參與競投？她說：「有投資價值、值得收藏嘅都會買。我比較喜歡畫，中國同西洋畫都喜歡。」喜歡畫畫嗎？她說：「『嘩』一聲就有。」提到賭王相當精神，四太就話託賴。
要努力唔讚得
四太表示見到仔女生性，感覺好欣慰：「係呀，個個小朋友有自己喜好，都好開心，睇到佢哋有自己成就，不過要繼續努力嘅，唔讚得㗎！」提到超盈拍拖，是否很開心？四太就搞笑拒回應：「呢個問題留番畀佢啦，bye bye。」
超盈被提到拍拖一臉尷尬，表示想專注拍賣會，因為今次是三年來最大型的一次，所以壓力大了很多，問到賭王父親有否鼓勵？她說：「佢叫我唔好咁辛苦，不過呢個都係我嘅興趣。」問到會否跟細佬猷君一樣有上市目標，她說：「我覺得大家有唔同嘢，我嘅好簡單。」目標是找到幸福？超盈即甜絲絲笑說：「唔講住嘞，我已經做到嘞！」
男友精神支持
超盈提及男友Thomas，表示是認識了一段時間的朋友，確實拍拖時間好短，男友精神上好支持，超盈說：「確實一齊唔係好耐，大家畀個機會我，我畢業後到有企業，都冇呢樣嘢（戀愛），我要摸索吓做CEO，同時又要講呢個話題（拍拖），想攞到balance。」再問到與男友的戀事，超盈大呻話：「乜唔係認咗就唔問㗎咩！」
採訪、攝影：曾小嘉
更多精采時尚內容，盡在 http://add.appledaily.com。