英國冒險家貝爾就出晒名唔怕死，試過喺鏡頭面前生食蠕蟲同飲尿，被笑為「食物鏈頂端」，不過英格蘭領隊修夫基都有打不死精神，佢日前就跟貝爾一齊去拍攝野外求生節目。據報呢個節目最快會喺下個月出街，而英國電視頻道ITV就話，修夫基會去英國某個既崎嶇又未受破壞嘅高沼地。不過最令觀眾期待嘅，應該都係想睇修夫基會唔會喺鏡頭面前表演生食蠕蟲喇！