巴士公司成日都提醒乘客小心安全，但唔係人人都會聽話。好似周一（19日）中午時分，就有個阿媽帶住個幾歲大嘅囡囡坐九巴270A號雙層巴士，當時佢哋坐喺上層最前排座位，其間個細路女竟然成個人瞓咗上車頭擋風玻璃個窗台位，嗰位阿媽就一路同個囡囡玩，好似好得意咁，但其他乘客睇到就覺得好牙煙。
過程維持半個鐘
涉事九巴由上水去尖東，市民葉先生喺粉嶺站上車，佢話自己原本坐喺巴士上層後排，但係見到個細路女瞓喺車頭窗台位，於是就坐前望清楚咩事。原來除咗阿媽同個細路女，仲有個細路女嘅爺爺嫲嫲同行，坐喺最前排兩排座位，葉先生話佢哋全部都講普通話，相信係內地人嚟。
葉先生拍嘅片段可以見到，個阿媽坐喺車頭最前排左邊位，而個囡囡大約3、4歲就打橫瞓喺窗台，個細路女不時擰嚟擰去，但阿媽不但冇阻止，仲不時同佢玩。葉先生話佢睇到覺得好危險，「好似好好玩，但有少少離譜，如果有意外或者架巴士煞車，真係唔知點算，個細路女隨時碌喺巴士度，甚至可能撞爆玻璃飛出去」。
整個過程維持咗半個鐘以上，葉先生話架巴士由粉嶺過咗獅子山隧道去到九龍塘窩打老道，佢哋都仍然係咁。不過佢當時冇當面出聲話對方，「有時啲嘢忠言逆耳」，怕人哋未必接受仲起爭執㖭，惟有拍片希望大家睇到會有所警惕。
九巴發言人回覆查詢時表示，九巴重視安全，指示車長留意車廂內乘客的動態，並呼籲乘客妥善照顧同行小孩。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。