求驗客手記:紅軍秘密條款防巴塞撬人

求驗客手記:紅軍秘密條款防巴塞撬人

巴塞隆拿喺今年一月由利物浦簽入對方主力菲臘比古天奴,不過原來紅軍喺嗰次交易入面設定咗一項秘密條款,以防再俾巴塞搶走主力。據西班牙傳媒透露,紅軍喺呢次交易入面其實都唔係咁順攤,喺合約度設定咗一項條款,要巴塞喺未來三年內唔可以再簽入任何利物浦唔肯賣嘅球員。紅軍呢招就真係夠晒醒目喇,不過話時話,唔知早幾年成日俾利記搶人嘅修咸頓,下次又會唔會有樣學樣,同利記簽番份咁嘅條款呢?

另外,早前俾英格蘭足總指控非法賭波嘅紅軍前鋒史杜列治,本來應該喺英國時間星期二傍晚六點向足總作出回應,但佢個代表律師就要求獲得時間上嘅寬限,遲少少先同足總再匯報,睇定啲情況先決定上唔上訴,而英足總嘅司法聆訊小組,仲喺度諗緊畀唔畀史獨呢個寬限期,但史獨目前仲可以為利物浦喺任何賽事上陣。

史杜列治