一代武俠小說名家、知名報人查良鏞（金庸）上月底病逝，香港郵政為向佢致敬，推出一套以「金庸小說人物」為題特別郵票及相關集郵品。香港郵政今次首度發行內附30枚郵票嘅郵票小冊子，只要快速翻頁或掃描小冊子封底的二維碼，張無忌打太極拳的畫面即活現眼前，相信必會成為集郵愛好者和金庸迷的珍藏。
「金庸小說人物」特別郵票包括金庸7部家喻戶曉嘅小說主角，分別係《射鵰英雄傳》嘅郭靖、黃蓉（2元）、《書劍恩仇錄》嘅陳家洛（2元6角）、《笑傲江湖》嘅令狐沖、任盈盈（3元4角）、《倚天屠龍記》嘅張無忌（3元7角）、《神鵰俠侶》嘅楊過、小龍女（4元9角）、《鹿鼎記》嘅韋小寶、康熙（5元），以及《天龍八部》嘅喬峯、虛竹、段譽（10元郵票小型張）。香港郵政邀得著名漫畫家李志清以國畫手法繪畫金庸小說人物，今起於各郵政局發售首日封，每個售價1元3角，特別郵票及相關集郵品同日起在郵政總局、尖沙嘴郵政局、荃灣郵政局、沙田中央郵政局和屯門中央郵政局展出，12月6日發售。各集郵局於11月22至28日期間接受自備封蓋銷服務的申請。