英國警方周一確認會正式檢控涉嫌性侵嘅英格蘭名宿加斯居尼。今年8月20日，加斯居尼喺一班由英國約克開去特勒姆嘅火車上面涉嫌性侵一位女子，事後佢已經被英國交通警拘捕。當局周一確認將會落案檢控呢位51歲前英格蘭國腳。加斯居尼嘅代表接受訪問時就表示，加斯居尼否認有關指控：「外界經常試圖詆譭佢，但佢一直保持堅強，因為佢堅信自己係清白。」
