蘭桂坊有兩個男人懷疑醉酒打架，上演街頭擂台。讀者李先生早幾日喺蘭桂坊消遣時，發現有一個西裝男同一個黑衣男猶如拳手，喺一條後巷地上扭作一團大打出手。其間另有一個男人好似裁判咁上前調停，但兩位拳手打得相當忘我，互有攻守，難分難解，引來大批市民圍觀，仲有女觀眾睇到手舞足蹈，好似擂台打氣女郎。
兩位拳手分別係西裝男同黑衣男，片段一開始就見到黑衣男首先嚟個「納爾遜式鎖」，將西裝男背摔到地上，可惜力度欠奉，未能將西裝男摔低，自己仲瞓咗喺地面，畀西裝男有機可乘，一個轉身使出連環右鈎拳，更一手扯住黑衣男，諗住迫使佢屈服。
和事老似足裁判
呢嗰時候另一個男人上前介入，猶如裁判咁，彎身查探黑衣男情況，好似中場休息咁。呢場臨時上演嘅街頭擂台吸引大批市民圍觀，有一個女觀眾仲一邊睇一邊跳舞，猶如擂台打氣女郎。
無幾耐黑衣男睇準機會，左手亂掌狂抓西裝男塊面，再雙腳撐牆借力鬆開對方，翻身半跪、雙手各捉住西裝男雙腳諗住反撲，西裝男雙腳被捉，馬上亂跳企圖擺脫，但黑衣男緊捉未有放手，一失平衡雙方又再次跌到地面，西裝男順勢使出「霹靂追魂鎖」，坐起身左手緊箍黑衣男條頸，右手再次使連環拳，狂毆黑衣男個頭，令佢幾乎無還擊之力。
黑衣男盡地一擊，全力推西裝男都唔成功，裁判見呢個情況再次介入，着令拳手「Let it go」，當中有拳手指有人阻頭阻勢仲侮辱人，所以情況未能制止。李先生話佢稍後離開現場，唔知最後結果係點！
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。