現年38歲嘅巴西球星朗拿甸奴雖然已經退役，但原來仲有新招式未使出，上星期六就喺場慈善賽中，表演招no-look通坑渠（圖）。大家之前睇佢no-look pass睇得多，但no-look通坑渠就真係好新鮮，令人嘆為觀止。呢場由細哨朋友隊對法蘭克福明星隊嘅比賽，除咗佢之外，仲有艾列頓、芬寧斯、奧高查、奇雲保定同啱啱掛靴嘅雲達華治等，其中雲達華治亦唔畀細哨威晒，表演一腳後踭入波。至於呢場波最後就係細哨朋友隊以5:4獲勝。
另外，趁住巴西今輪兩場國際友誼賽都喺英格蘭踢，大衛雷斯同韋利安夾份開嘅餐廳，上星期五就搞咗個巴西之夜。除咗有老闆雷斯、菲臘比古天奴、羅拔圖法明奴同盧卡斯外，連大哨朗拿度都畀面出席。
