賽車嘅車身梗係有晒拉花，令到每架都夠獨特之餘仲可以賣吓廣告。今年兩位「波子」廠手班博同雲科爾都化身鐵甲奇俠（上圖）同雷神，架戰車真係有印住兩位超級英雄，保時捷章仲做埋個盾，fit晒。可惜雲科爾前日撞車，仲唔多唔少係因為班博，噚日冇落場。另外，東望洋大賽嘅Zengo Motorsport兩架戰車喺集車區嗰陣，車頂有個的士燈（下圖），但落場嗰陣會拆番嘅，因為會影響氣流嘛！