由任達華、梁詠琪（GiGi）、羅仲謙、楊采妮（Charlie）及郭晉安等主演的電影《小Q》，昨日在灣仔進行開鏡拜神儀式，現場還有幾隻超萌的導盲犬。飾演視障人士的任達華表示非常困難：「眼要好迷，又要聚焦，又唔可以眨眼，狗狗又不受控制，我拍咗戲咁耐，第一次一場戲要拍48個take，場戲拍過馬路拍咗六個鐘。」
GiGi說：「我有朋友做狗狗寄養家庭，香港地少人多，未必接觸到導盲犬，唔係個個都了解視障人士嘅需要。」楊采妮今次回港為電影客串，Charlie表示來港工作不會到好姊妹GiGi家住宿，她說：「因為我哋好少見面，一見面實好多嘢講，工作要住酒店先有充足休息。」羅仲謙在戲中飾演導盲犬導師，他更特別預先接受訓練，他笑說：「屋企都有兩隻狗仔，慣咗『執金』。」
採訪：張俊銘
攝影：陳俊強