德國《圖片報》爆料，從多蒙特轉投巴塞隆拿嘅翼鋒奧士文尼迪比利，原來係租霸一名，遭前房東向佢追索2.07萬歐元（約18萬港元）賠償。《圖片報》從法庭文件中得知迪比利住喺德國時嘅前房東，入稟法院控告呢位法國小將，話佢租約到期離開時，間房到處係垃圾（圖），雪櫃同櫥櫃都有好多變壞晒嘅食物，地板鋪滿膠袋，而且仲有一大堆電費、水費單未找數。