小學都有教啦，做人一定要誠實。前排香港有個賣鞋嘅廣告，搵咗位靚女model喺個月台度影相，真係人靚、衫靚、景都靚，不過問題眼利嘅網民一睇就知，嗰個月台明明係輕鐵站，但係就被人P圖P咗做日本山手線嘅月台。於是又係賣開衫嘅實政圓桌田二少田北辰，立即親身示範真‧廣告係應該點做。
二少以一件灰色橫紋西裝外套加白色恤衫，下身配上淺綠色西褲襯時尚波鞋，示範smart casual造型，仲要相當抵死咁留言話：「輕鐵站咪輕鐵站囉，好失禮咩？使乜改圖做山手線呢！」好一句「好失禮咩？」二少點止賣衫，佢直頭做過九鐵主席㖭喇！
跟住二少仲介紹番，被人P圖嘅輕鐵塘坊村站附近係好多好嘢食，下次大家去開嘅時候記得預多些少時間，去附近啲茶記嘆番杯熱奶茶！順個便推銷埋香港，二少果然係二少。