評論員又做照片分析師，對住一張大合照指點迷津。人民大會堂招呼163名港澳代表（應該167），大合照隱含所謂的政治密碼，小市民散光睇唔出，亦嘟唔到條code。用放大鏡逐個人臉識別都很艱難的情況下，市民始終唔係「達文西密碼」的作者丹布朗，解讀這張政治大合照，頭都痕埋，只有東涌街坊中的大媽超直率，掩住半邊嘴說「啋，個個都好似死人頭！」江山確實如此多Fxxk，這些年紀唔細的團友，名字陸續在訃聞中出現，家族墳地，大過基層家庭777倍都唔止！起跑與終點兩條線都贏凸！這些頭面人物三代穩握香港財富的命門，是社會中最識走位撈好處的1%。這1%輕鬆吞吃其餘99%，還無恥反問年輕人是不是想住死一世劏房。
經濟學棍篤數唱好明日大嶼，說賣地已經有八千四億，回本easy。條數咁易篤，仲使盲公竹？等到習帝埋位，金口宣告一帶一路和大灣區機遇，聽清楚了，一字冇提愚民人工島！習帝自豪的中國夢，夢裏，中國是大海，香港提出填海，反動透頂！習帝個海，敏感過老虎屁股，163個扯線人偶，順住習習西風，舔乾屁股那坨屎。（借俾蓋茨都得！）照片裏每張臉孔都肌肉亢奮，冇O嘴。密碼破解未？係咪這五個字：擔屎唔偷食？