英國有位大懵球證，上個月執法一場由曼城女足對雷丁女足嘅女子超級聯賽時，竟然唔記得帶硬幣，搞到開賽前冇得擲公字，結果呢位叫麥拿馬拉嘅球證，情急智生要球員猜包剪揼決定邊一隊開波同揀場，咁啱場波又有直播，真係笑死啲觀眾，結果就梗係俾英足總秋後算賬，罰佢停止執法三個禮拜。