英超CEO施高達摩亞下月離任，賽會提早公佈繼任人，竟然係美國探索傳播嘅董事總經理蘇珊娜，開創英超由女CEO揸旗嘅時代。蘇珊娜係電視界女強人，但過去同英國天空體育喺播映費方面曾出現分歧。至於離任嘅施高達摩亞由於同車路士主席碧克好老友，後者竟提出要廿隊英超球隊合資送份總值達500萬鎊（約5,077萬港元）嘅禮物畀佢。