冼國林因到韓國出席金利豐（1031）創辦人朱李月華的六十大壽，短短三日便染上惡菌，被迫切除左眼保命，震驚股壇中人。他重組染上惡菌的經過，猜測元凶是一批「日本美食」。
疑因食物染上惡菌
冼國林回憶道，在7月底、8月初時，是有一點感冒症狀，但在出發前已痊癒，因此便乘坐由陳國強拍檔、低調富豪葉家海持有的私人飛機前往韓國。在機上，他肚子餓得很，正好座前放滿「日本美食」，「即係日本點心、三文魚嗰啲，（見）個個都唔食，我又坐得近，就成碟食晒。」誰知，他用膳後不久便開始不適，抵埗後翌日出席酒店內舉辦的晚宴，人多聲雜，突然身子發冷又發燒，然後左眼視力模糊，立即坐回私人飛機回港診治，才知大件事。
接受左眼切除手術後，冼國林與醫生討論病情，原來這細菌可經食物和空氣等多個途徑傳播，「如果係空氣，喺飛機嘅10個人無理由得我（感染）；如果係朱太嗰度，我有事其他人都會有事，所以估計係飲食。」在後來的身體檢查，醫生確也在他的腸臟發現細菌，「但佢又奇怪，如果係腸（首先感染），無理由走得咁快。」冼排除是食肉菌，但未能講出細菌名稱，「唔識聽，總之係好惡毒嘅菌。」據知事後葉家海將私人飛機大清洗。
提起事情經過，冼國林對朱太沒有怨言，強調朱太夠朋友，在他關手機休養期間，先後4次發訊息或留語音問候，「你諗下佢都係千億富婆，留咗4次言。患難見真情，都感謝朱太嘅。」他承認，失去一隻眼當然不開心，「但我睇得好開，好多朋友出乎意料地關心我，所以覺得好欣慰。」