作為駕駛人士，最開心當然係行車暢順，出入平安，之不過就算唔塞車、唔死火，架車原來可以突然間着火，走遲半步嘅話，分分鐘連人都燒埋！紅磡噚日朝早就有一部電單車行行吓突然着火，仲要燒到熊熊聲咁，嚇到司機走都走唔切。
根據讀者李先生同陳小姐提供嘅短片見到，噚日朝早7點幾，架電單車喺紅磡繞道天橋近海韻軒對開冒煙及起火，電單車瞬即陷入火海，濃煙升上10層樓咁高，住喺附近嘅居民都睇到，雖然阿Sir到場，但見咁大火都唔敢行埋去，最後由趕到嘅消防員開喉將火救熄，但架車已經嚴重焚毀，全車熏黑，燒剩支架，好彩冇人受傷。
半個月前3萬蚊頂手
小記同18歲嘅南亞裔司機Rehman傾咗陣，操流利廣東話嘅佢話自己係速遞員，住喺何文田，噚日朝早揸車去東涌返工，用咗兩、三分鐘駛到去繞道，喺燈位前停低等轉燈嗰陣車尾就着火喇，「有架車喺後面過嚟，話我架車後座有煙冒出，我熄車停低就着火，其間仲爆炸！」好彩Rehman及時跳車冇受傷咋。
Rehman話，架電單車係二手，半個月前喺深水埗一間車行用3萬蚊買入，點知就出事，「我以前都有揸二手車，諗住韓國牌子未試過，想試吓」，佢又話唔會再買韓國牌子電單車，仲打算向車行追究責任。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。