【本報訊】案中被指是第三者的蕭大律師除了庭上否認外，在庭外為證清白，不惜自揭有婚外情，更稱遭妻子發現。他稱事後發誓不再拈花惹草，因此與X絕無曖昧，直言無辜被扯進三角關係，令當年正值參選的他被迫退黨，放棄政治生涯。
「中央空調」對所有女人都好
已婚並育有兩女的蕭大狀，本是民建聯培育的年輕梯隊，2015年正上位，有黨內前輩曾提點：「從政嘅人最怕衰兩樣嘢，一係錢，一係桃色，千祈咪玩呢味嘢」。蕭當時心中暗忖，自己早已「瀨咗嘢」。
他憶述曾差點賠上婚姻。「你知啦，男人，避唔到呢啲嘢，我又唔係聖人」。蕭說20多歲已「出去玩」，婚後依然，妻子揭發後「兇」他。他當時承諾「唔再玩」，「再中一箭就死得」，自此他處理男女關係特別小心。
但他稱改不了對女人好的態度和習慣，庭上自命是「暖男」的他，原來不單向X放暖，自言是「中央空調」，「我對所有女人都好好㗎，不過男人唔多受我呢套」。他說「除咗敏感嘢唔做，其他盡量幫，不過唔過夜，凌晨兩點前返到屋企就OK」。
法律界後來收到被告陳偉強瘋傳蕭與X有染的傳單，事情很快亦傳到蕭妻耳中。他說：「老婆半信半疑，都有兇過我，但最後都信我」。為派定心丸，趁傳媒2月為財政預算案找個案，他自動請纓以中產身份受訪，帶同妻女一同上鏡，借此公開自己有家室。 他在庭上指X介紹很多生意給他，只是紅顏知己，矢口否認是X的第三者，他跟記者說其實知道X對他有意思。
當年有同行問關於傳單一事，他感到「好瘀」，政黨主席得知事件，他最終決定退黨。他說無悔向X伸援手，「係犧牲我少少聲譽，明哲保身唔係我要嘅嘢，我寧願唔從政」。
■記者蔡少玲