馬凱持英國護照以旅客身份入境被拒，入境處冇即刻驅逐，而係扣留幾粒鐘，咦，咁長氣？我八卦心起，最佳推算，入境處在幾粒鐘內，問來問去三幅被，活人都會悶死，很可能別開生面，跟馬凱講呢啲：
a，閣下叫馬凱，係咪馬雲粉絲？抑或想借馬老師過橋，搞網戀詐騙香港中女？（咪笑甩下巴，唔知7仔冇廁紙買的屋邨富婆真係有機會落叠，匯款億億聲。）
b，講普通話來聽吓。唔識？咁點出來行啊老兄？家下俾個機會你唱義勇軍進行曲，測試吓你的忠誠。（喔，竟然唱了月亮代表我的心！翻晒白眼的入境處職員問過老細，老細罵了N次「超！仆你個街！」唔放人！）
c，你係記者，專業評估一下，下屆邊個做特首？（你估689重現江湖？喺邊度收到消息？你幫MI6做卧底係咪？慘咯，689再run一次，樓市仆硬街，我要叫老婆放咗間樓，兼高位散馬老闆隻貨……馬凱先生，借問移民英國有冇捷徑？最低門檻要幾多錢？）