蔣怡昨日與利嘉兒、何基佑和懷孕八個月的太太鍾凱瑩等，在油麻地出席產後護理中心開幕。蔣怡為兩子女之母，兩個夠晒數宣佈封肚，她說：「小朋友健康完整已好開心，細仔越大， 有擔心佢視力、聽力等有冇問題，呢方面都未擔心完，唔會再生。」長女翁容因細佬翁羽出世暗暗呷醋，令蔣怡好心酸，她說：「囡囡好錫細佬，成日話全世界最鍾意係細佬，試過暱埋流眼淚，又唔想畀我知，佢知道自己係家姐身份，唔應該呷醋，咁樣我好心痛。」
新手媽媽利嘉兒誕下囡囡一個半月，身形漸回復，湊女方面暫有陪月姨姨，有時會被BB指甲抓損，笑言發生家暴。利嘉兒獲老公合力替BB沖涼，看見父女深情對望辛苦也覺值得。採訪、攝影：卓寶花
更多精采時尚內容，盡在 http://add.appledaily.com。