【上海直擊】
關之琳前日與陳柏熹（Harris）、陳欽杰和太太徐巧嬌等，在上海展覽中心出席Moiselle x Russell James Iconics攝影展，一身玫瑰低胸印花裙現身的她，型格十足。關之琳為攝影展擔任模特兒，她笑言以為今次拍攝會好大膽，keep到好弗去拍攝，因為攝影師Russell James為Victoria's Secret御用攝影師，她掩嘴笑說：「點知影嘅時候原來只係大頭照，過程好開心，大師級真係大師級，佢好快捕捉到人嘅表情同神態，好快，唔使擺甫士，好舒服，大家傾吓偈，我都有問佢會唔會好辛苦，因為每次都朝早6點落機就要做嘢，佢話已經習慣。」
新項目就緒
談到被Russell讚賞為古典美人，關之琳笑說：「客氣話箒。」每個階段都有唔同味道，問到關之琳有否考慮拍攝大膽寫真留念？她說：「𠵱家唔會嘞，怕嚇親你哋，呢世人影得太多，麻木咗，影都二十年前影咗，好耐之前有人叫我影，但我唔想，已經唔大興趣，影生活照自然嘅、自己收藏，唔係公開就會。」
至於籌備多時的新項目關之琳謂已準備就緒，將於明年1月發佈，她自言今年未停過，提到聖誕節，她說：「係有假期嘅，但就怕出埠人多，留喺屋企會仲舒服。」
陳太瞓身撐
此外，也有為攝影展化身模特兒的陳欽杰太太，表示今次是國際級的中、西藝術交流，所以特別要支持，她說：「𠵱家藝術同時裝係唔可以分割，好多顧客都好注重藝術，藝術係永恒、好有影響力。」陳欽杰就謂今次是品牌首次與國際級攝影大師crossover，陳欽杰說：「 其實唔只係要諗點做一個時裝騷，要同藝術結合，多元化發展。今次呢個idea好正面，係一個國際性合作，好開心。」
採訪：木永仁
攝影：小華
更多精采時尚內容，盡在 http://add.appledaily.com。