趣趣地:大貪麥巴比遊埠要PSG包機

趣趣地:大貪麥巴比遊埠要PSG包機

據英媒報道,巴黎聖日耳門(PSG)新星基利安麥巴比喺上年夏天同PSG傾約嗰陣,曾經要求過球會為佢提供每年50個鐘嘅私人飛機服務,但就被PSG拒絕。據報當時麥巴比同PSG簽訂五年合約,除咗430萬鎊簽字費同高達870萬鎊嘅年薪外,麥巴比仲要求球會提供每年50個鐘嘅私人飛機費用,等佢可以環遊世界,仲希望如果贏到金球獎,PSG就要加佢人工,等佢可以成為球隊最高薪嘅球員。PSG雖然拒絕咗,但都同意每個月幫佢畀26,000鎊嘅開支,包括司機、保鑣、私人助手等。另外,有指皇家馬德里當時願意為麥巴比畀1.6億鎊轉會費,同PSG出價一樣,但最終佢都係冇上到艦。