劉德華被網絡欺凌，lol，之後，跟林鄭「冇夾過」的所謂經濟學家，齊撐千七公頃填海。但網民擺明欺凌上癮啊，38個經濟專家試吓直播，幫林鄭分擔fb嬲到上鼻哥的屎好麼？每千坨屎換兩張天王演唱會飛，好冇？
學者跟警察一樣，唔一定個個都係好人，唔一定個個都係好學之人。帶頭那幾位當中，就有一個茂利，四年前雨傘運動爆發，開頭幾天，茂利揚言雨傘運動會令香港每日損失三千五百億。運動以金鐘夏𡰪道計，共79日，你話，香港損失幾大，庫房早被掏空，林鄭的公務員學院，想唔搬上新疆開課都幾難！明日大嶼成個package，除非賣俾兩個姓馬的，由他們燃點聖火，號令重慶李超人或者上海郭氏兄弟競投，解救庫房空空的特區政府於無能狀態！當時還未習帝感召的林鄭，由細到大都是名校尖子，庫房乾塘，試問還會咁蠢執689的爛攤嗎！事實證明，車經濟大炮，甚至弱智到硬銷國產電子支付，笑稱內地叫雞都可以用雞付寶，先進過香港的所謂學者，仍得林鄭器重。明日大嶼倉卒上馬，執意偏聽的林鄭，倚仗的，也只能是這些推介叫雞快、好世界的學棍！君子坦蕩蕩，林鄭一再行埋小人，等於自食60粒白果！