趣趣地：「爹利」開齋波邊個入？

哈特斯菲爾德（藍白衫）星期一喺英超主場以1:0擊敗富咸，唔單止係今季首場勝仗，全取三分嘅呢一球，更係「爹利」今季聯賽首個主場入球。今場主隊中堅基斯杜化舒捷拿喺29分鐘嘅頭槌攻門，雖然被判為富咸後衞科素文沙嘅烏龍球，但馬會「無首名入球」同舒捷拿都照派彩，呢球係「爹利」自今年四月英超後嘅首個聯賽主場入球，足足隔咗658分鐘。