雙周刊《法國足球》報道，前阿仙奴領隊雲格將會喺出年成為意甲AC米蘭嘅新教練。據報道，雲格同紅黑兵團已經傾咗多個星期，好快就可以落實細節，料會喺出年一月接替加度素，到時AC米蘭體育總監李安納度會下放更多權力畀雲格。AC米蘭𠵱家喺意甲以11戰得21分排第四，僅以得失球差領先同分嘅拉素，另外落後榜首嘅祖雲達斯10分。