現年43歲嘅前日本國腳川口能活周日宣佈，今季結束後將會正式掛套，結束長達25年嘅職業生涯。川口能活周日透過所屬球會，日丙嘅相模原發表退役聲明。川口能活係日本隊喺1996年亞特蘭大奧運有份創下「邁阿密奇蹟」嘅其中一員，川口能活喺當年奧運分組賽，面對擁有朗拿度、朗拿甸奴同李華度等超級球星嘅巴西，單場就作出28次撲救，協助日本以1:0爆大冷贏波。