阿利斯奧羅馬洛尼周日再扮演救世主，佢喺AC米蘭作客烏甸尼斯嘅意甲補時97分鐘「士哥」，協助球隊以1:0絕殺對手。不過羅馬洛尼的入球原本被指越位，經視像裁判（VAR）協助下入球至被裁定為有效，而今場補時階段更出現兩張紅牌，可見今戰到最後幾分鐘至係最精采。阿利斯奧羅馬洛尼上周亦入絕殺球，成為AC米蘭以2:1殺敗熱拿亞嘅最大功臣。